Eup, ikusi duzue ezta? Gz2zirik-en itxura goitik behera aldatzea erabaki dugu. Aurreko estiloak blogaren irakurgarritasuna oztopatzen zuela iruditzen zitzaigun eta azpaldi genuen lifting hau egiteko gogoa.

Zer iruditzen zaizue? Irabazi ala galdu eginten du blogak estilo berriarekin? Gu pozik geratu gara baina zuen iritzia jakin nahi dugu.

Edukietan ere bada aldaketaren bat. Gz2Wiki atala estreinatu dugu. Gasteizko kultur agenda denon artean osatzeko tresna da Gz2Wiki. Ekintzaren baten berri emateko, jendearekin harremanetan jartzeko, proposamenak egiteko…
Oraindik ez gara bete-betean berarekin lanean hasiko, baina hortxe utzi dugu, … norbaitek ekarpenen bat egiten hasi nahiko balu aurrera!

Gainontzean, hemendik Maiatza amaierararte txoko honetan mugimendu gutxi izango dela aurreratzen dugu. Ez hirian gauza gutxi gertatuko direlako baina, tamalez, beste zenbait proiektutan buru-belarri lanean egongo garelako eta ezin izango diogulako blogari behar duen denbora eskaini. Oooh!

Bitartean, ondo segi, gozatu hiriaz, ta edozein kontzertutan topo egin arte,

geroarte!

Zenbat gauza egiteko, zenbat.

Ibaik Gabonak zoriontzen dizkigu betiko umore
onarekin… eta kriston flash animazio batekin. Efektu berezietan eta puntako teknologian azken urteetan eman diren urrats guztiak minutu erdian konprimituak; sinestezina baina egia.

Ibairen animazioa deskargatzeko sakatu hemen
Flash animazioak ikusteko programa deskargatzeko klikatu hemen

Eskerrik asko eta zorionak Ibai lan honengatik. Eta besteoi zorionak ere Gz2zirik egiten dugunon partez. Ondo pasa eta izan zaitezte txintxoak (nahi izanez gero)!

Ezin izan dugu itxaron. Ume bihurri baten antzera, Gz2zirik gabonetarako zituen opariak dagoeneko ireki ditugu eta beraiekin jolasten hasi gara.
Zuretzako opariak ere badira irakurle, beraz, ea gustuko dituzun eta ea gu bezain beste disfrutatzen duzun beraiekin saltseatzen.
(more…)

Egun batzuk, itxuraz, geldirik egon ostean berriro dator Gz2Zirik proiektua indarberriturik. Itxuraz diogu proiektua ez delako geldirik egon une bat bera ere: denbora honetan izkutuko urratsak eman ditugu, ideiak eta
kolaboratzaileak biltzen ibili gara eta proposamen berrietan lanean hasi gara. Aurki guzti horren emaitza erakusgarri egongo da.

Hasteko Gz2Zirik-en Entzun atala estreinatu dugu. Oraindik garapen fase batean dago (garapen fase = oraindik ez dago ganorako ezer eginda) baina hurrengo asterako martxan izango dugu.

Bere helburu nagusia Gz2Zirik-en agertutako taldeen abestiak mp3 formatuan erakustea izango da baina bestelako soinu dokumentu interesgarriek ere lekua izango dute.

Gasteiz Bizirik dagoela jakin edo kontatu nahi baduzu, hauxe da zure webgunea!

Hasi da. Dagoeneko ez dago inor geldituko duenik. Baten batek zabaldu du euskal globosferan (euskal blogosferan hobe esanda) Gasteizen bizia dagoenaren berria. Gorbeia puntatik maldan behera botatako elur-bola erraldoi baten gisa, zurrumurrua hiriraino heldu da eta bere zutabeak gogor astindu ditu.
(more…)

Pum (…) pum (…) pum (…)

Shssss! Adi, zeozer entzun daiteke… zeozer mugitzen ari da.

Pum (…) pum (…) pum (…)

Entzun duzu? Hemendik dabilela uste dut, hurbil, oso hurbil. Eta bizirik dago. Bai, bizirik dago.

(more…)