Ekoiztetxe gasteiztarrak animazio lan berria aurkeztu du. Alkimista ero baten eta Leonardo Da Vinci gazte baten arteko istorioa kontatzen da bertan, eta dagoeneko Pixar berberaren laudorioak jaso ditu.

Albistea hedabideetan:

D.Noticias de Alava /

Gaur jakin dugu Juan Borikó Lopeo, Juantxo, iragan apirilaren 29an zendu zela, Badalonan. Potato reggae talde historikoaren sortzaile eta ahots izandakoak omenaldi bat jasoko du datorren igandean Gasteizko Alde Zaharrean.
(more…)

Eguzkiak ez dakigu zer esango duen baina kultur eskaintza aldetik behintzat maiatza gori-gorian dator. Eta guztien artean proposamen bik bereziki berotzen gaituzte.

Ez dago batere gaizki. Udaberriak gauza on hauek ditu: fraka motzak, gonak, tirantedun kamisetak… eta begiak alaitzen dituzten beste zenbait gauza. Neff eta Arabako Txapelketa horren adibide argia dira. Ahal beste goza dezazuela!.

Eup, ikusi duzue ezta? Gz2zirik-en itxura goitik behera aldatzea erabaki dugu. Aurreko estiloak blogaren irakurgarritasuna oztopatzen zuela iruditzen zitzaigun eta azpaldi genuen lifting hau egiteko gogoa.

Zer iruditzen zaizue? Irabazi ala galdu eginten du blogak estilo berriarekin? Gu pozik geratu gara baina zuen iritzia jakin nahi dugu.

Edukietan ere bada aldaketaren bat. Gz2Wiki atala estreinatu dugu. Gasteizko kultur agenda denon artean osatzeko tresna da Gz2Wiki. Ekintzaren baten berri emateko, jendearekin harremanetan jartzeko, proposamenak egiteko…
Oraindik ez gara bete-betean berarekin lanean hasiko, baina hortxe utzi dugu, … norbaitek ekarpenen bat egiten hasi nahiko balu aurrera!

Gainontzean, hemendik Maiatza amaierararte txoko honetan mugimendu gutxi izango dela aurreratzen dugu. Ez hirian gauza gutxi gertatuko direlako baina, tamalez, beste zenbait proiektutan buru-belarri lanean egongo garelako eta ezin izango diogulako blogari behar duen denbora eskaini. Oooh!

Bitartean, ondo segi, gozatu hiriaz, ta edozein kontzertutan topo egin arte,

geroarte!

Aspaldiko partez eta erritmoa apurka apurka berreskuratzeko asmoz, hona hemen Martxoko “Hiriko Taupadak” (zerbait ahaztu zaigula? idatzi eta gehitu egingo dugu!):

(more…)

Zenbat gauza egiteko, zenbat.

Ibaik Gabonak zoriontzen dizkigu betiko umore
onarekin… eta kriston flash animazio batekin. Efektu berezietan eta puntako teknologian azken urteetan eman diren urrats guztiak minutu erdian konprimituak; sinestezina baina egia.

Ibairen animazioa deskargatzeko sakatu hemen
Flash animazioak ikusteko programa deskargatzeko klikatu hemen

Eskerrik asko eta zorionak Ibai lan honengatik. Eta besteoi zorionak ere Gz2zirik egiten dugunon partez. Ondo pasa eta izan zaitezte txintxoak (nahi izanez gero)!

Ezin izan dugu itxaron. Ume bihurri baten antzera, Gz2zirik gabonetarako zituen opariak dagoeneko ireki ditugu eta beraiekin jolasten hasi gara.
Zuretzako opariak ere badira irakurle, beraz, ea gustuko dituzun eta ea gu bezain beste disfrutatzen duzun beraiekin saltseatzen.
(more…)

Abenduan elurra, Olentzero, afariekin topo egiteraino luzatzen diren bazkariak… eta gehiago…
(zerbait ahaztu zaigula? idatzi eta gehitu egingo dugu!)
(more…)

Parral Tabernak 10 urte bete ditu, eta tarte horretan bazkari begetariano ugari, musika asko eta hordigarri gehiago eskaini dizkigu gasteiztarroi.

Denbora horretan baina, beste zerbaitek bihurtu du berezi : astero- astero, ia etenik gabe, bere kultura programazioari leial mantendu zaio eta gutako askori antzerki eta zuzeneko musika egarria asetzeko aukera eman digu. Edaria + kultura. Horixe taberna honen arrakastaren formula.

Eta, nola ez, urtebetetze berezi hau behar bezala ospatzeko 3 egun ekintza interesgarriz bete dituzte. Atzo hasi ziren, kontzertu akustiko batekin, gaur The Solanos eta Sagarroi taldeek joko dute eta bihar, ostirala, ordu berean beste kontzertu bat prestatu dute.

Zorionak Parral!